Sözügedən məlumatı Rusiya prezidentinin rəsmi nümayəndəsi Dmitri Peskov TASS agentliyinə açıqlamasında təsdiqləyib.

“Doğrudan da, Ukrayna tərəfindən bu cür məlumat verilmişdi. Rusiyanın dövlət rəhbəri və Silahlı Qüvvələrin Ali Baş Komandanı V.Putin bu gün gecəyarısından etibarən üç sutka ərzində Kiyevə zərbələrin endirilməməsini tapşırıb. Bu addım amerikalıların Kiyevdə həyata keçirəcəyi danışıqlara hazırlıq və onların icrası ilə əlaqədardır”, – deyə o qeyd edib.

Xatırladaq ki, bir müddət öncə Ukrayna mətbuatı sentyabrın 5-i gecə saatlarından sentyabrın 8-nə qədər Ukrayna Silahlı Qüvvələrində atəşkəs rejiminin tətbiq edildiyi barədə məlumat yaymışdı.