Aprelin 11-da İslamabadda baş tutacaq Vaşinqton-Tehran danışıqlarının  reallaşacağı ərazinin, istərsə də nümayəndə heyətlərinin  təhlükəsizliklərinin təmin edilməsi, danışıqların sabotaj olunmaması istiqamətində bütün zəruri tədbirləri görməkdədir.

Pakistan hökuməti vacib sammitdən əvvəl İran nümayəndə heyətinin təhlükəsizliyini təmin etmək üçün havada gücləndirilmiş təhlükəsizlik tədbirləri həyata keçirib.
Belə ki, Pakistan Hərbi Hava Qüvvələri İran və Fars körfəzi üzərində “qoruyucu qalxan” quracaq və qırıcı təyyarələrinə AWACS təyyarələri ilə örtük dəstəyi verəcək.
Vaşinqton-Tehran danışıqlarına  İran tərəfindən nümayəndə heyətinə parlamentinin sədri Mühəmməd Baqir Qalibaf rəhbərlik edəcək.

Bəzi məlumatlara görə, İran nümayəndə heyəti artıq ötən gecə İslamabada  səfər edib.
ABŞ nümayəndə heyətinə  isə vitse-prezident C.D Vens rəhbərlik edəcək. Nümayəndə heyətinə Donald Trampın xüsusi nümayəndəsi Stiv Uitkoff və Trampın kürəkəni Cared Kuşner daxildir.

Müxtəlif sosial media paylaşımlarında Pakistan Hərbi Hava Qüvvələrinə məxsus J-10C qırıcı təyyarələrinin, JF-17 Block III təyyarələrinin və F-16-ların müşayiət təyyarələri ola biləcəyi ehtimal olunur .
Bundan əlavə J-10C,  aktiv elektron skan edilmiş radar sistemini vizual məsafədən idarə olunan PL-15 raketləri ilə birləşdirdiyinə görə Pakistana ən uzun mənzilli hava üstünlüyü imkanı təqdim edir .

JF-17 Block III qırıcı təyyarələri, KLJ-7A radarı və şəbəkə məlumat rabitəsi arxitekturası sayəsində Pakistanın hava nəzarət elementləri ilə əməkdaşlıq əlaqəsini təmin etməklə əlavə ehtiyat təmin edəcək.

Ağ Ev-Tehran danışıqları aprelin 11-də İslamabadda baş tutacaq.