Corciya ştatının Fort Stüart şəhərindəki ABŞ ordusunun Piyada Diviziyası əsgərlərinə müqavilələrini minimum iki illik uzatmaları qarşılığında, GTA VI oyununu oynamaq üçün 4 günlük əlavə məzuniyyət təklif edilir.

Nəşrin məlumatına görə, proqramda iştirak etmək üçün hərbi qulluqçular müqavilələrini 1 avqust – 14 noyabr tarixləri arasında yeniləməlidirlər.

Polkovnik-leytenant Angel Tomkonun sözlərinə görə, mühəndislik taborundakı 130 əsgərdən 20-si artıq müqavilələrini yeniləyib.

O aydınlıq gətirib ki, GTA VI məzuniyyəti ideyası yenilənmiş yaradıcı təşviq proqramı təklifi ilə bölmə rəhbərliyinə müraciət edən karyera məsləhətçisindən gəlib. Polkovnik-leytenant bunun 2027-ci maliyyə ili üçün müqavilələrin yenilənməsi planlarına nail olmaq üçün zəruri olduğunu söyləyib.