Həkim-travmatoloq Kazım Emil Mayıl oğlu 28 sentyabr 1981-ci ildə Bakı şəhərində anadan olub. O, 1998–2004-cü illərdə Nəriman Nərimanov adına Azərbaycan Tibb Universitetinin Müalicə-profilaktika fakültəsində ali tibb təhsili alıb. 2004–2005-ci illərdə isə Azərbaycan Tibb Universitetində internatura keçərək peşəkar həkim kimi fəaliyyətə hazırlaşıb.
Kazım Emil Mayıl oğlu əmək fəaliyyətinə 2004-cü ildən başlayıb. O, 2004–2017-ci illərdə “Semaşko” adına 1 nömrəli Klinik Xəstəxanada travmatoloq-cərrah vəzifəsində çalışaraq geniş praktiki təcrübə qazanıb. Bununla yanaşı, 2005–2020-ci illərdə Azərbaycan Tibb Universitetində travmatologiya üzrə müəllim kimi fəaliyyət göstərib, gənc kadrların yetişdirilməsində mühüm rol oynayıb.
Peşəkar fəaliyyətini davam etdirən həkim 2016–2025-ci illərdə Medikal Hospitalda, 2020–2025-ci illərdə isə Regional Hospitalda travmatoloq-cərrah-ortoped kimi çalışaraq mürəkkəb əməliyyatlar və klinik hallarla zəngin təcrübə əldə edib.
Qeyd edək ki, Kazım Emil Mayıl oğlu hazırda Mingəçevir Şəhər Mərkəzi Xəstəxanasında travmatoloq həkim kimi fəaliyyətə başlayıb. O, eyni zamanda Cərrahiyyə şöbəsinin Əməliyyat blokunun müdiri vəzifəsini icra edir. Yeni vəzifəsində onun tibbi xidmətlərin keyfiyyətinin yüksəldilməsinə və əməliyyat proseslərinin daha effektiv təşkili işinə mühüm töhfələr verəcəyi gözlənilir.
Şəxsi həyatına gəlincə, həkim ailəlidir və 6 övladı var.