Baş vermiş yanğın hadisəsi ağır nəticələrə səbəb olub. Hadisə 5 mərtəbəli yataqxana binasının 4-cü mərtəbəsində qeydə alınıb. Yanğın 1972-ci il təvəllüdlü Rüstəmov İlqar İbrahim oğluna məxsus ümumi sahəsi 18 kvadratmetr olan yaşayış otağında baş verib.
İlkin məlumata görə, yanğın zamanı otaqda yerləşən yataq dəsti və elektrik qızdırıcısı yanaraq yararsız hala düşüb. Hadisə zamanı yataq xəstəsi olan ev sahibi İlqar Rüstəmov yanğın təhlükəsindən xilas ola bilməyib və ayaq nahiyəsindən müxtəlif dərəcəli yanıq xəsarətləri alıb.
Dərhal hadisə yerinə çağırılan Təcili Tibbi Yardım briqadası yaralıya ilkin tibbi yardım göstərərək onu aidiyyəti üzrə təhvil alıb. Lakin həkimlərin səylərinə baxmayaraq, Rüstəmov İlqar İbrahim oğlu səhər saatlarında aldığı ağır yanıq xəsarətləri səbəbindən dünyasını dəyişib.
Faktla bağlı aidiyyəti qurumlar tərəfindən araşdırma aparılır. Yanğının başvermə səbəbləri, o cümlədən elektrik qızdırıcısından istifadə zamanı təhlükəsizlik qaydalarına əməl olunub-olunmaması məsələləri araşdırma çərçivəsində dəqiqləşdiriləcək.