Dördqat NBA çempionu və “Los-Anceles Leykers”in keçmiş mərkəz oyunçusu Şakil O’Nil, Kaliforniya klubunda oynayarkən azarkeşlərin sevgisini hiss etmədiyini bildirib.
Onun fikrincə, azarkeşlər Kobi Brayantı daha çox dəstəkləyiblər.
“Onlar məni həqiqətən sevmirdilər. Onlar məni yox, Kobini sevirdilər. Qulaq asın, bir deyim var – B.O.B. Basketbol biznesinin qardaşı. Mənim kimi olanda, hər şeyi idarə edən sən olanda səninlə iş görmək asan deyil. Hər şey mənim istədiyim kimi edilməlidir. Və bunu hamı bəyənmir. Ona görə də səndən qurtulduqda insanlar deyirlər: “Nəhayət”. Düzünü desəm, hər iki tərəfi başa düşürəm”, – “NBA Central”ın sosial media hesabında O’Nildən sitat gətirilib.