“Ambulator xəstələrin dərman vasitəsi ilə təmin olunması üçün artıq qanunvericilikdə dəyişiklik edilib. Buna uyğun olaraq həmin dərman vasitələrinin ambulator şəraitdə müalicə alan xəstələrə ötürülməsi üçün qaydalar hazırlanır”.
Bunu səhiyyə nazirinin müavini Rasim İsmayılov Milli Məclisin komitələrinin birgə iclasında “Azərbaycan Respublikasının 2027-ci il dövlət büdcəsi haqqında” qanun layihəsinin müzakirəsi zamanı deyib.
O bildirib ki, növbəti ildən ambulator müalicə alan xəstələrə dərman çatdırılması məsələsi həllini tapacaq.
Nazir müavini tibb müəssisələrin akrredatisayiyası məsələsinə toxunaraq bildirib ki, tibb müəssisələrinin akkreditasiyası və keyfiyyətinə nəzarət mərkəzi yaradılıb: “İndi həmin mərkəzin fəaliyyətinin müasir tələblərə uyğunlaşdırılması istiqamətində işlər gedir. Ən vacib məsələ özəl tibb sektorunun dövlət səhiyyə sisteminə uyğunlaşdırılmasıdır. Düşünürük ki, yaxın zamanlarda bu məsələ də öz həllini tapacaq”.