“Qonşu ölkələrdə epidemioloji vəziyyətə uyğun olaraq, gələn aydan etibarən quru sərhədlərinin mərhələli şəkildə açılması ilə bağlı qərar qəbul ediləcək”.
Xeberler.info xəbər verir ki, bunu deputat Vüqar Bayramov bildirib. Millət vəkili ilk mərhələdə iki ölkə arasında quru sərhədin açılmasının məqsədəuyğun olduğunu bildirib:
“Quru sərhədlərinin açılması məsələsi hazırda ən çox müzakirə olunan məsələlərdən biridir. Azərbaycanda quru sərhədlərinin bağlanması birbaşa pandemiya ilə bağlı idi. Bununla belə, karantin rejiminə qoyulan əsas məhdudiyyətlər artıq aradan qaldırılıb. Əksər region ölkələrində, o cümlədən qardaş Türkiyədə və qonşu Gürcüstanda epidemioloji vəziyyət nəzarət altındadır. Türkiyə ilə quru sərhədləri artıq açılıb. Ancaq bu ölkəyə yalnız Ermənistanda qeydiyyatdan keçmiş vətəndaşlarımız gedə bilər. Bununla əlaqədar gürcüstan və Türkiyə ilə mərhələli şəkildə quru sərhədlərinin tam açılması ilə bağlı qərarın qəbul edilməsini təklif edirik. Təbii ki, həmin ölkələrlə quru sərhədlərin açılması məsələsi sonradan digər qonşu ölkələrdə epidemioloji vəziyyətə uyğun olaraq müzakirə oluna bilər. Lakin Türkiyə ilə Gürcüstan və Azərbaycan arasında strateji tərəfdaşlıq münasibətlərinin olduğunu nəzərə alsaq, məqsəd hər iki ölkə ilə tədricən daha qısa müddətdə quru sərhədlərinin açılması olacaq”.
Deputat qeyd edib ki, quru sərhədlərinin açılması turizmə töhfə verəcək:
“Təbii ki, quru sərhədlərinin açıqlığı iqtisadi baxımdan məqsədə uyğundur. Çünki bu turizmə təsir edən əsas amillərdən biridir. Xüsusilə, Azərbaycana gələn turistlərin təxminən 70 faizi Azərbaycanın quru sərhədləri olan ölkələrdən gəlir. Ona görə də quru sərhədlərinin açılması iqtisadi baxımdan da mühüm əhəmiyyət kəsb edir”.
Xeberler.info
Şərh yaz