Not bayramı yadda qalan anlarla baş tutdu

Mərkəzi Aran Regional Mədəniyyət İdarəsi tərəfindən Mingəçevir şəhərindəki Bülbül adına 2 nömrəli Uşaq Musiqi Məktəbində 24 may 2025-ci il tarixində keçirilən birinci siniflərin Not Bayramı böyük maraqla qarşılanıb.

Tədbir boyunca şagirdlər bir-birindən rəngarəng və gözəl musiqi nömrələri ifa edərək, dinləyiciləri heyran etdilər. Hər bir çıxış alqışlarla qarşılanıb, onların səhnədəki özünəinamı və musiqi bacarıqları iştirakçılarda xoş təəssüratlar yaratdı.

Not Bayramının təşkilində məktəbin müəllimləri və valideynlər də fəal iştirak edərək, şagirdlərə dəstək oldular. Tədbir həmçinin, musiqinin uşaqların inkişafına olan müsbət təsirini bir daha vurğuladı.