Mingəçevirə yeni prokuror təyin edilib

Mingəçevir şəhər prokurorluğunda kadr dəyişikliyi baş verib. Baş prokuror Kamran Əliyevin imzaladığı müvafiq əmrlə Pərvin Quliyev Mingəçevir şəhər prokuroru vəzifəsinə təyin olunub.

Yeni təyinatadək Pərvin Quliyev Bakı şəhər prokurorluğunda Daxili İşlər orqanlarına nəzarət şöbəsinin rəisi vəzifəsində çalışıb. O, uzunmüddətli prokurorluq fəaliyyəti və hüquq mühafizə orqanlarındakı təcrübəsi ilə tanınır.

Qeyd edək ki, Pərvin Quliyev hüquq sahəsində müxtəlif məsul vəzifələrdə çalışaraq peşəkarlığı ilə fərqlənib. Onun Mingəçevirdə prokurorluq orqanlarının fəaliyyətinin gücləndirilməsi və qanunçuluğun təmin olunmasında mühüm rol oynayacağı gözlənilir.