En son xeberler

Manatı kim imzalayacaq? – 24 saat

Azərbaycan Prezidenti İlham Əliyevin 7 fevral 2005-ci il tarixli “Azərbaycan Respublikasında pul nişanlarının nominal dəyərinin qiymətlər miqyasının dəyişdirilməsi (denominasiyası) haqqında” Fərmanına uyğun olaraq 2006-cı ildən etibarən tədavülə yeni nəsil pul nişanları (AZN) buraxılıb. Eyni zamanda, 1 yeni Azərbaycan manatı 5 000 manata bərabər tutulmaqla denominasiya olunub.

Beynəlxalq ISO kodu 994 olan 4 pilləli mühafizə sisteminə malik Azərbaycan manatı vahid konsepsiya əsasında hazırlanıb dizayn mövzusu “Müstəqil Azərbaycan” müəyyən edilib. Azərbaycanın bütün sahələrdə müstəqilliyini, inkişafını Avropa ailəsinə inteqrasiyasını təzahür edir.

2006-cı ildə buraxılan yeni pul nişanları, əvvəlkilərdən fərqli olaraq həm də öz üzərlərində Azərbaycan Mərkəzi Bankının (AMB) sədrinin imzasını daşıyır. İndiyədək manatın üzərində 1995-ci ildən bəri AMB-nin sədri olmuş Elman Rüstəmovun imzası olub.

Bu yaxınlarda Elman Rüstəmovun vəzifəsindən azad edilməsi AMB-nin sədri vəzifəsinə Taleh Kazımovun təyin edilməsi müəyyən suallar doğurub. Bu suallardan biri tədavülə yeni buraxılacaq əsginaslarda yeni sədrin imzasının olub-olmayacağıdır. Bəzi vətəndaşlar isə hətta daha da uzağa gedərək üzərində Elman Rüstəmovun imzası olan manat əsginaslarının etibarlı sayılıb-sayılmayacağı barədə suallar səsləndirirlər.

İmza məsələsində Avropa İttifaqının ümumi pul vahidi avroya nəzər salmaq lazımdır. 1999-cu il yanvarın 1-də təqdim edilmiş 2002-ci ilin 1 yanvarından isə nağd əsginaslar kimi dövriyyəyə buraxılmış avronun dizaynının müəllifi Robert Kalina, həm də manatın dizaynının müəllifidir. Manat avronun dizaynında hətta metal pulların müəyyən oxşarlığını bununla izah etmək olar.

Analoji olaraq avro əsginaslarının da hər birində Avropa Mərkəzi Bankının prezidentlərinin imzası həkk olunub. Birinci seriyada – 2003-cü ilin noyabrından 2012-ci ilin martına qədər çap edilmiş əsginaslarda Avropa Mərkəzi Bankının ikinci prezidenti Jan-Klod Trişenin imzası var. 2012-ci ilin martından sonra çap edilən əsginaslarda bankın üçüncü prezidenti Mario Draqinin imzası yer alır. 2020-ci ildən etibarən isə yeni prezident Kristin Laqardın imzası tədricən dövriyyəyə daxil olan əsginaslarda görünməyə başlayıb.

Beləliklə, xarici təcrübəni digər faktorları nəzərə alaraq bu qənaətə gəlmək olar ki, AMB-nin tədavülə buraxdığı yeni əsginaslarda bankın yeni sədri Taleh Kazımovun imzası olacaq. Manatın etibarlılığına gəldikdə, qanunvericiliyinə uyğun olaraq, Azərbaycan manatı ölkədə yeganə qanuni ödəniş vasitəsidir mülkiyyət formasından asılı olmayaraq bütün idarələrdə, müəssisələrdə təşkilatlarda heç bir məhdudiyyət qoyulmadan qəbul edilir.

Qeyd edilib ki, bu məsələ ilə bağlı AMB-dən bildirilib ki, rəsmi məlumat yaxın vaxtlarda təqdim olunacaq. (APA)

Xeberler


XEBERLER

Related Articles

Bir cavab yazın

Sizin e-poçt ünvanınız dərc edilməyəcəkdir.

Back to top button