En son xeberler

Taleh Kazımov Mərkəzi Bankın sədri təyin edilib

Taleh Tahir oğlu Kazımov Azərbaycan Respublikası Mərkəzi Bankının sədri təyin edilib.

Bununla bağlı Prezident İlham Əliyev sərəncam imzalayıb.

Qeyd edək ki, Taleh Kazımov 1983-cü il sentyabrın 11-də Bakıda anadan olub. Ali təhsilini 2000–2004-cü illərdə Azərbaycan Texniki Universitetinin “Avtomatika kompüter mühəndisliyi” fakültəsində alıb. 2004–2006-cı illərdə isə Azərbaycan Dövlət Neft Akademiyasının ABŞ-ın “Georgia State University” universiteti ilə birgə proqramı çərçivəsində maliyyə ixtisası üzrə “Biznesin idarə edilməsi (MBA)” magistr dərəcəsinə yiyələnib. Bundan başqa, T.Kazımov 2012-ci ildə “London Biznes Məktəbi”nin (Böyük Britaniya) 2014-cü ildə “Harvard Biznes Məktəbi”nin (ABŞ) yüksək ixtisas proqramlarını (“Senior Executive Programme”) müvəffəqiyyətlə bitirib.

O, karyerasını qurmağa gənc yaşlarında başlayıb təhsil aldığı dövrdə “ATTAS PR”, “European Tobacco” şirkətlərində ofis köməkçisi İnformasiya texnologiyaları üzrə operator kimi işləyib. Maliyyə sektorunda peşəkar fəaliyyətə isə 2004-cü ildən başlayıb. Belə ki, 2004-cü il fevral ayından 2006-cı ilin sentyabradək davam edən dövrdə Taleh Kazımov “Bank Standard” QSC-də müxtəlif vəzifələrdə, o cümlədən Maliyyə mühasibat uçotu idarəsinin Xəzinədarlıq fondlar şöbəsində mütəxəssis, Maliyyə nəzarəti departamentinin İdarəetmə büdcə planlaşması şöbəsində, daha sonra isə Kredit siyasəti departamentinin Korporativ müştərilərin kreditləşmə şöbəsində aparıcı mütəxəssis vəzifələrində işləyib.

2006-cı il sentyabr ayından 2007-ci ilin yanvarınadək T. Kazımov “Ernst & Young” şirkətində auditor vəzifəsini tutub. Sonra isə 2007-ci ilin iyul ayınadək “Fineko Analitika İnformasiya Agentliyi” ASC-nin Baş direktoru vəzifəsində çalışıb.

Taleh Kazımovun “PAŞA Bank”da fəaliyyəti 2007-ci ilin iyul ayından başlayıb. Həmin dövrdə o, Risklərin idarəedilməsi departamentinin meneceri vəzifəsində işləyib, 2009-cu ilin avqust ayından isə Bankın Xəzinədarlıq pul bazarı departamentinin direktoru vəzifəsini tutub.

07.12.2011-ci ildən Taleh Kazımov “PAŞA Bank”ın İdarə heyətinin üzvü seçilib. Korporativ biznes-bankinq istiqamətləri, investisiya bloku, ticarət maliyyələşdirməsi, maliyyə institutları kredit menecmenti sahələri onun kurasiyasında olub.

1 iyul 2015-ci il tarixində Taleh Kazımov “PAŞA Bank”ın İdarə heyətinin sədri Baş icraçı direktoru vəzifəsinə təyin olunub.

Taleh Kazımov 2015 – 2018-ci illərdə “PAŞA Bank Gürcüstan” ASC-nin Müşahidə Şurasının üzvü, 2015–2019 illərdə isə Azərbaycanda Amerika Ticarət Palatasının (AMCHAM) Direktorlar Şurasının üzvü vitse-prezidenti olub.

Eyni zamanda 2015–2019-cu illərdə o, “PAŞA Yatırım Bankası” A.Ş.-də Direktorlar Şurasının üzvü olub. 2019-cu ildən etibarən ABŞ-Azərbaycan Ticarət Palatasının (USACC) Direktorlar Şurasının üzvüdür.

Taleh Kazımov 2019-cu ildə “EMEA Finance” tərəfindən Şərqi Avropa post-sovet ölkələri üzrə “Ən yaxşı baş icraçı direktor (The Best CEO)” mükafatı ilə təltif olunub.

Taleh Kazımov bu ilin aprelin 12-də Mərkəzi Bankın İdarə Heyətinin üzvü təyin edilib.

Ailəlidir, iki övladı var.


XEBERLER

Related Articles

Bir cavab yazın

Sizin e-poçt ünvanınız dərc edilməyəcəkdir.

Back to top button