En son xeberler

Sadə mətnlər əsasında fotolar yarada bilən ŞƏBƏKƏ -VİDEO

Süni zəka sahəsində fəaliyyət göstərən OpenAI adlı qeyri-kommersiya təşkilatı özünün DALL-E adlı neyron şəbəkəsinin yeni versiyasını təqdim edib. Qeyd etmək lazımdır ki, bu neyron şəbəkə sadə mətn təsviri sayəsində fotolar generasiya edə bilir.

Lent.az xarici KİV-ə istinadən bildirir ki, DALL-E 2 daha geniş imkanlar əldə edib həmin imkanlar arasında artıq hazır fotolarla çalışmaq bacarığı da var. Yeni alqoritmin əvvəlki versiyadan əsas fərqi ondan ibarətdir ki, o, artıq hazır fotoları redaktə etmək imkanını özündə birləşdirir. Əvvəllər bu neyron şəbəkəsi yalnız mətn təsviri əsasında fotolar çəkə bilirdi. İndi isə onun sayəsində mətn təsvirini daha dərin şəkildə fotoya çevirmək olar. İstifadəçi hər hansısa fotodakı hissəni seçib alqoritmə seçilmiş hissədəki lazımi dəyişikliklərin sorğusunu göndərə bilər.

Beret ilə uzunboğazlı qırmızı sviterdə olan şiba-inu cinsli it sorğusu üçün alqoritm tərəfindən generasiya edilmiş foto:

    Məsələn sözügedən alqoritm fotodakı tablonu digəri ilə əvəzləyə ya ümumiyyətlə silə stolun üzərinə hansısa digər bir obyekti əlavə edə bilər. Alqoritm otaqdakı kölgələrin istiqaməti kimi detalları nəzərə almaqla obyektləri redaktə edə bilir. DALL-E 2-nin sahib olduğu digər bir funksiya isə mövcud olmayan fotoların axtarışı alətinə bənzəyir. Bu halda istifadəçi sistemə bu ya digər fotonu yükləyir neyron şəbəkəsi öz növbəsində yüklənmiş fotoya bənzərlərini yaradır. Yaradılmış fotolar isə 1024×1024 piksel ölçüsünə sahib  olurlar.

Yundan toxunmuş bədheybətə oxşayan şorba kasası sorğusu üçün alqoritm tərəfindən generasiya edilmiş foto:

    DALL-E 2 neyron şəbəkəsi CLIP adlı texnologiya əsasında qurulub. Bu, computer vision sistemidir. OpenAI onu keçən il anons etmişdi. Sözügedən neyron şəbəkəsi arzuolunmaz materialların istisna edildiyi məlumatlar bazası əsasında təlimatlandırılıb. Buna görə də o, qadağan edilmiş kontentlərin yaradılması imkanından azad olunub. Sui-istifadə hallarından qorunmaq üçün nəzərdə tutulmuş funksiyadan istifadə edərək neyron şəbəkəsi hansısa adlar əsasında tanınan simaları generasiya edə bilmir. Hal hazırda DALL-E 2 qapalı beta test mərhələsindən keçir. Lakin OpenAI tərtibatçıları qeyd ediblər ki, yaxın zamanda o, kütləvi istifadə üçün təqdim ediləcək onu müxtəlif tətbiqlər formatında istifadə etmək mümkün olacaq.

24 saat” “
Sadə mətnlər əsasında fotolar yarada bilən ŞƏBƏKƏ -VİDEO
” başlıqlı yazını “lent.az”a istinadən dərc edib

Xeberler


XEBERLER

Related Articles

Bir cavab yazın

Sizin e-poçt ünvanınız dərc edilməyəcəkdir.

Back to top button