En son xeberler

Hindistan Azərbaycana buğda idxalında Rusiya və Ukraynanı əvəz etmək istəyir

Hindistan Ticarət Nazirliyi buğda ixracı ilə bağlı Azərbaycan da daxil olmaqla 30 ölkəyə müraciət etmək üçün qərar qəbul edib.

Bu barədə Hindistan mətbuatı xəbər verir.

Yüksək səviyyəli bir hökumət rəsmisi bildirib ki, Hindistan dünyanın 30-a yaxın buğda idxal edən ölkəsində Rusiya Ukraynanı əvəz etmək niyyətindədir.

Bu 30 ölkədən 10-15-i Rusiya Ukrayna buğdası ilə yanaşı Hindistan buğdasının artıq mövcud müştəriləridir. Bununla belə, Hindistanın payı Rusiya ya Ukrayna ilə müqayisədə idxalın ümumi həcmində daha azdır. Bundan başqa, onilliklər ərzində Rusiya Ukrayna buğdasının eksklüziv alıcısı olan daha 10-15 ölkə var. Hindistan hökumət sövdələşmələri ya özəl kanallar vasitəsilə ixracı artırmaq üçün onları da diqqətlə izləyir. Bu siyahıya Azərbaycan, Misir, Suriya, Mərakeş, Türkiyə, Sudan, İtaliya, Yəmən, Yunanıstan Hindistan buğdasını nadir hallarda alan Şimal-Şərqi Afrika ölkələri daxildir.

“Məqsədimiz yalnız cari böhran dövründə qısamüddətli razılaşmalar əldə etmək deyil, Rusiya Ukrayna buğdasının üstünlük təşkil etdiyi bazarlarda keyfiyyətli buğdanın etibarlı uzunmüddətli tədarükçüsü olmaqdır. Biz qısamüddətli qazanclara baxmırıq, əksinə, bu fürsətdən əsas buğda idxal edən ölkələrlə uzunmüddətli əlaqələr qurmaq üçün istifadə edəcəyik”, – Kənd Təsərrüfatı Emal olunmuş Qida Məhsullarının İxracının İnkişafı İdarəsinin (APEDA) sədri Madhayyan Anqamutu bildirib.

Ən çox buğda idxal edən ölkələr Misir, İndoneziya, Türkiyə, Çin, Nigeriya, İtaliya, Əlcəzair, Filippin, Yaponiya, Mərakeş, Braziliya, Banqladeş, Cənubi Koreya, Hollandiya İspaniyadır. Hindistan bunlardan yalnız 5 ölkədə – Banqladeş, İndoneziya, Filippin, Nigeriya Yaponiya bazarında mövcudddur.

Rusiya Ukrayna müharibəsi səbəbi ilə, bu iki ölkənin tədarüklərində bir neçə ay ərzində məhdudiyyətlərin gözlənildiyi üçün Hindistanın əsas buğda idxal edən ölkələr arasında bazasını genişləndirmək üçün əhəmiyyətli imkanları var.

Rusiya böhranından bir neçə gün sonra dünya bazarlarında Hindistan buğdasının qiyməti ton başına 360 ABŞ dollara qədər qalxmışdı. Bununla belə, son bir neçə gündə, qiymətlər bir qədər sabitləşərək ton başına 330-340 ABŞ dollarınadək (FOB) düşüb. Hindistan buğdasının hazırkı qiyməti hələ də qlobal rəqiblər arasında ən ucuzdur (burada qiymətlər bəzi növlər üzrə ton üçün hətta 400 ABŞ dollara çatıb).

Növbəti bir neçə ay ərzində Ukrayna Rusiyanın dünya bazarlarında olmaması hindli treyderlərə rekord miqdarda mal göndərmək üçün qızıl şans verəcək.

Hindistanın 2022-2023-cü illərdə (2022-ci ilin aprelindən -2023-cü ilin martınadək) rekord həddə – 111 milyon ton buğda istehsal edəcəyi gözlənilir ki, bu da, bu illə müqayisədə təxminən 2 milyon ton çoxdur.

Xatırladaq ki, bu ilin yanvar ayında Azərbaycan yalnız Rusiya Qazaxıstandan ərzaqlıq buğda alıb. Buğda idxalının ümumi həcmi 93 min 704,52 ton, dəyəri isə 32,475 milyon ABŞ dolları təşkil edib.


XEBERLER

Related Articles

Bir cavab yazın

Sizin e-poçt ünvanınız dərc edilməyəcəkdir.

Back to top button