En son xeberler

Almaniya və İspaniya Rusiyaya cinayət işi açır

Bu araşdırmadan da məqsəd Rusiyanın Ukraynada törədiyi mümkün hərbi cinayətlərin müəyyən edilməsidir

Almaniyanın federal prokurorluğu Ukraynaya hərbi müdaxilənin gedişində Rusiya tərəfindən törədildiyi iddia olunun hərbi cinayətlərlə bağlı Moskvaya qarşı cinayət işi qaldırıb.

Almaniyanın ədliyyə naziri Marko Buşman martın 8-də mətbuata verdiyi məlumatda bildirib ki, Almaniya Ukraynada törədilmiş müharibə cinayətləri ilə bağlı sübut dəlillərin toplanmasına başlayacaq.

Almaniya prokurorluğunun açdığı cinayət işi “srtruktur cinayət işi” adlanır.

Martın 8-də habelə İspaniya prokurorluğu Rusiyanın Ukraynada humanitar qanunu pozması ilə bağlı araşdırmaya başlayıb.

Bu araşdırmadan da məqsəd Rusiyanın Ukraynada törədiyi mümkün hərbi cinayətlərin müəyyən edilməsidir.

AFP bildirir ki, “struktur cinayət işlərində” konkret olaraq hansısa şəxslər hədəflənmir. Belə təhqiqatdan məqsəd hərbi cinayətlərin aşkar edilməsidir.

Buna baxmayaraq bu təhqiqatın əldə etdiyi sübutlar gələcəkdə fiziki şəxslərə qarşı ittihamın tərkibinə daxil ola bilər.

Almaniyanın belə bir təcrübəsi var

Der Spiegel məcmuəsi yazır ki, Almaniya prokurorları Rusiyanın Ukraynanın yaşayış məntəqələrində klaster bombalarından istifadə etməsi, qaz kəmərinə, nüvə tullantıları anbarına hücumları kimi iddiaları araşdıracaqlar.

Ötən həftə ABŞ-ın dövlət katibi Entoni Blinken Rusiyanın Ukraynada “çox ciddi” hərbi cinayətlər törətdiyinə dair sübutların olduğunu demişdi.

Eyni zamanda Haaqadakı Beynəlxalq Cinayətlər Məhkəməsi də Rusiyaya qarşı təhqiqata başlayıb.

Bu da qeyd olunur ki, Almaniya bundan əvvəl Suriyada törədilmiş cinayətlərlə bağlı olanları mühakimə edib.

Almaniyada ötən yanvarda bir suriyalı zabit 27 nəfərin qətlinə Dəməşq təcridxanasında 4 min insana işgəncə verilməsinə görə 10 il müddətinə azadlıqdan məhrum edilib.

Xeberler


XEBERLER

Related Articles

Bir cavab yazın

Sizin e-poçt ünvanınız dərc edilməyəcəkdir.

Back to top button