En son xeberler

İran xüsusi xidmət orqanlarının casusluğa cəlb etdiyi İsmayılovlar ailəsinin dramı

2019-cu ildə bir ailənin üç üzvü – Zakir Əlibala oğlu İsmayılov, onun həyat yoldaşı Nəzakət oğlu Kənan İran İslam Respublikasının xüsusi xidmət orqanları ilə məxfi əməkdaşlıqda şübhəli bilinərək həbs olunur.

Məhkəmə Zakiri ömürlük həbs cəzasına, Nəzakəti 10 il, Kənanı isə 3,5 il həbsə məhkum edir. Hökmdən sonra həyat yoldaşı Kənanı tərk edir – satqının ailə üzvü kimi qalmaq istəmir. Yaxın qohumları dostlarının da üz döndərdiyi tənhaya çevrilməsi Kənan üçün türmə kamerasından daha sərt əzablı cəza olur.

O, həbs müddəti tamam olandan sonra azadlığa çıxır, ancaq bu gün də ağrı əzabları ilə baş-başa qalaraq ömrünün sonuna qədər satqın damğası ilə yaşamağa məhkum olunduğunu anlayır. Ailənin başçısı Zakir İsmayılov həbs olunduqdan iki il sonra türmədə vəfat edir.

Ərinin ölümü, böyük oğlunun ailə dramı, psixi pozğunluqla doğulmuş ikinci oğlu Sənanın xəstəliyi Nəzakət İsmayılovanı birdəfəlik sındırır. O, ağır onkoloji xəstəliyə tutulur hazırda penitensiar xidmətin müalicə müəssisələrindən birində ömrünün son günlərini yaşayır.

Qəlbində azacıq da olsa mərhəmət hissi olan heç kəs İsmayılovlar ailəsinin bəxtinə düşən faciəvi taleyə biganə qala bilməz.  Düzdür, bu vaxt kimsə deyəcək ki, bu karmadır, kimsə təsadüflərin faciəvi şəkildə üt-üstə düşməsindən bəhs edəcək, kimsə də əllərini səmaya qaldırıb Tanırının İsmayılovlar ailəsini dəhşətli satqınlığa görə cəzalandırdığını söyləyəcək.  Hər kəs də öz rəyində qalacaq.

Ancaq bu, bədbəxt ailənin taleyində real olaraq nəyi dəyişə bilər?

Bu yaxınlarda Nəzakət İsmayılova İran İslam Respublikasının Azərbaycandakı səfiri Seyid Abbas Musəviyə məktub yollayaraq  ailəsinin illər boyu xidmət göstərdiyi İran hökumətindən mənəvi ziyanı qismən ödəməyi xəstə oğlu Sənana pulla yardım göstərməyi xahiş edib. O, məktubun nüsxəsini Azərbaycan XİN-ə də yollayıb.

Nəzakət İsmayılovanın hər sətirində ailəsinin faciəsinə ağlayan ölümcül xəstə ananın dözülməz ağrıları əks olunan məktubu illər boyu ailəni boş vədlərlə yemləmiş xəyanətə təhrik etmiş İran xüsusi xidməti üçün heç bir əhəmiyyət kəsb etmir. İsmayılovlar ailəsi faktik olaraq İran xüsusi xidməti ilə əməkdaşlığa razılaşdıqları andan  məhkum idi…

Biz mürəkkəb dünyada yaşayırıq, taleyimizi məhv etməyə özümüzə əziz olan insanların ömürlərini korlamağa qadir olan şərdən qorunmaq elə də asan deyil.  Köhnə adamlar deyirdilər: əgər vicdan təmizdirsə, ürək ailəni, dostları, Vətəni satmağa hazır deyilsə, şər heç vaxt sənə yapışmaz.

İsmayılovlar ailəsi satmağa hazır idi.

bunun bədəli çox ağır oldu. (virtualaz)


XEBERLER

Related Articles

Bir cavab yazın

Sizin e-poçt ünvanınız dərc edilməyəcəkdir.

Back to top button